About Us

1. Hi Khrihfabu chungah nawlngeihnak sangbik cu Bible Cathiang lamhruainak a si lai.
   2. Zumhnak thawngin thiamcoter kan si caah Jesuh Khrih thawngin Pathian he kan i rem (Rom.5:1).
   3. Bible Cathiang cu Pathian thawchuahhnawhmi a si (2Tim. 3:16).
   4. Pa, Fapa le Thiang Thlarau cu Pathian pakhat a si i, thumkop Pathian min in tipil innak kan zumh (Matt.28:19-20).
   5. Jesuh Khrih cu ngaknu thiang Mary nih a hrinmi a si (Lk.1:34; Lam.1:11).
   6. Jesuh Khrih thawhthannak le vancung kainak kan zumh (Lk.24:12; Lam.1:11).
   7. Jesuh Khrih vawlei a rat than lai nak kan zumh (Lam.1:11).
   8. Thiang Thlarau riantuannak kan zumh (Jn.14:26; 1Cor.2:9-13).
   9. Separation of Church and State (Church le State thennak) kan pom.

Charchanhnak: ISBC Constitution. Article 2, Page 1.

1. 1. Member dihlak nih taksa, thinlung le thlarau ah damnak an hmuh khawhnak dingah dirhmi Khrihfabu a si lai.
      2. Pathian thawngtha bia karhtertu le Pathian pen-ram kauhtertu Khrihfabu a si lai.
      3. A lamkip in thanchonak dingah a zuam pengmi Khrihfabu a si lai.
      4. Senthang hrinsor kan sinak philh lonak caah techin fapar chan tiangin a cawnpiaktu Khrihfabu pakhat a si lai.
      5. Vawlei cung Senthang Khrihfabu siseh, Chinmi Khrihfabu le Senthang huapin rian a tuanmi bu he a herh ningin pehtlaihnak le tuan chuah tinak a ngei lai.
      6. Chin nunphung, ca le holh kilvennak caah siseh, Senthang nunphung le, holh, kan fale a cawnpiaktu le a theihtertu a si lai.
      7. Khrihfabu chungtel nih chiat/that a ton caanah a bawmtu le a zohkhenhtu a si lai.

   Charchanhnak: ISBC Constitution. Article 1, Section 4, Page 1.

Indiana Senthang Baptist Church nih Pathian thangthatnak biakinn kum (5) chung kan rak ngei kho lo. Kum 2021 General Meeting biachahnak bantuk in biakinn kawl dingah timhtuahnak ngeih a rak si. 2022 in Biakinn cu kawl a rak si i, September ah Pathian thangthatnak ding caah biakinn cu hmuh a si. Riantuantu upa hna le chungtel vialte nih kan zoh i, kan lungtling caah November 13th, 2022 ah cawk dingin biachahnak tuah a si. Cu ve bantukin, February 23th, 2023 ah tlamtling tein biakinn cu cawk a si cang i, SCUSA BM civui pi tuah lio a zarh Sunday (June 30th, 2024) ah sunglawi ngai le tlamtling tein Pathian sinah pekchannak tuah a rak si.