Church pastor
Rev. Dr. Sang Tin Uk
KEIMAH KONGLAM
Ka min cu Sang Tin Uk a si. Ka khua cu Surkhua a si (Sentheng Peng, Hakha Towship, Chin State, Burma). Pu Cung Mang le Pi Sui Neng an fale paruk hna lakah a panga nak ka si. Nu pali le pa pa hnih kan si.
RIANTUANNAK
February, 1988 ah hrinthannak ka co. Cu thok in Pathian riantuanduhnak le
thlarau tlai tlaih rian kha ka thinlung ah a um colh. 1994 ah Basic Education High School, Surkha in tanghra (class 10) ka awng. 1995 kum ah thla thum chung ka thlarau pa Rev, Dawt Chin zulh in evangelist ka rak kal. 1995 July thla ah Baibal sianginn kai dingah India ah ka kal i BAWIPA zaangfahnak thawngin B.Th. (EBC, Dimapur, Nagaland), B.D. (ETC, Jorhat, Assam, affiliated to Senate of Serampore), M.Th. in OT (UTC, Bangalore, affiliated to Senate of Serampore) le D.Th. in OT (FFRRC, Kottayam, Kerala, affiliated to Senate of Serampore) in ka dih hna. B.D. le M.Th. hi first class in ka awng i B.D. ah Senate NT award pathum (3) ka ngah. Hi
vialte hi BAWIPA dawtnak, zaangfahnak le vel thawng lawngin a si. Pathian nih sunparnak co ko seh!
B.D. ka dih in Manipur Theological College (affiliated to Senate of Serampore) ah kum thum (2002-2005) tiang lecturer ka tuan.
M.Th. ka dih in Manipur Theological College thiamthiam ah kum li (2007-2011) tiang lecturer ka tuan than.
Doctoral studies ka tuah lio ah Indian Baptist Theological Seminary, Kerala ah kum thum adjunct lecturer ka tuan. 2014-2019 tiang Calvary Bible College, Hakha ah lecturer in le Vice-Principal in rian ka tuan.
Kum hnih chung (2015-2017) CCU ah part time in lecturer ka tuan.
Chin Galaxy Private High School ah kum hnih ca ka chim.
